ساكن قصادي وبحبه وأتمنى اقابله


فكرت أصارحه لكن أبدا مأقدرش أقوله


وفضلت استنى الأيام في معاد مايسهر ومعاد ما يرجع


كل خطوة أرسم احلام تكبر ف قلبي والقلب يطمع


وأقول مسيره ح يحس بيا لو يوم صادفني وسلم علي


حيلاقي صورته ساكنه بعيني ويحس بيها برعشة ايدي



***


كنت حاسه أن حـبـه كل ماده كان بيكـبــر


أبقى عايزه لو يكون لي قلب غير قلبي الصغيـر


فضلت أمالي مع الليالي


تقرب حبيبي اللي ساكن قصادي وبحبه



***


وفي يوم صحيت على صوت فرح بصيت من الشباك


زينـه وتهـاني وناس كتيـر دايـرين هنـا وهنـاك


شاوروا لي بإيديهم وقالوا لي عـقـبـالك


هللت م الفرحه وسألت


قالوا ....... جارك


حبيبك حبيبي


اللي ساكن قصادي .... وبحبه



***


رحت الفرح بالليل ورسمت بعيني الفرحـه


ساعة ما كان بيشيل بإيديه وبعيني الطرحه


شربت شرباتهم وانا قاعده بصالهم


لحد ما قاموا ومشيت اوصلـهـم


حتى الأمل ما بقاش من حقي أفكر فـيـه


بعد الليله دي خلاص بقى غيري أولى بيه



***


وتهـت وسـط الزحـام مـا حـد حاسس بي


عايزه أجري وأرجع أتوه والناس يقولوا حاسبي


ناس في طريق النور ما بين فرح وشموع


وأنا في طريق مهجور ومنـوراه الدموع


ولقيتني فايـتـه من جنب بـابه


لاهو داري بقلبـي ولا باللي نابه


يا ويلي يا ويلي من طـول غيابه


وياويل أيامي من جرح عــذابه


عذاب الجرح اللي فاتوهلي وسابه


ساكن في قلبي وساكن قصادي وبحبه


حبيبي ساكن حبيبي ساكن قصادي وبحبه

كلمات جميلة جد
معبرة تسلم ايدك
على طرحك المميز
بانتضار جديدك

سارة بوزيان كتب:

كلمات جميلة جد
معبرة تسلم ايدك
على طرحك المميز
بانتضار جديدك

شكرا لتواجدك الجميل


[ندعوك للتسجيل في المنتدى أو التعريف بنفسك لمعاينة هذه الصورة]
:GG:

شـــكــــرااا عــلــى المــو ضـــوع الجـــمـــيل ،، بانتظار جــــديـــــدكـــ

وجــزاك الله خــيــراا

تحــيــاتــى

الأغنية دى من أجمل الأغانى اللى أنا سمعتها

فيها معاتى روعة والموسيقى والألحان معبرة جدا

أغنية فبها كل الأحاسيس - شكرا حبيبتى على الكلمات