قصيده حزينه ومؤثره جدا

يا عيني اللي نظرها ما يقديني

والرد عليهاااااااا








القصيده للشاعر / حمدان بن محسن المري









ياعينـي اللـي نظرهـا مايقدينـي
وجدي على شوفة النجـم اتقدى بـه

وجدي على شوفة العربان ياعينـي
وجدي على شوفة المرقاب وارقى به

وجدي على شوفة صفوف المصليني
وجدي على شوفة القرآن واقرا بـه

وجدي على شوفة البدو المعشينـي
في خايـع غـب سيلـه ماتثرا بـه

قعدت في البيت كني فيـه مسكينـي
ماعاد عني تغطى الزيـن بحجابـه

كني سجينٍ وراه يصـك بابينـي
غدا نهاري وظلما الليـل متشابـه

حنا برجـا الله عـدال بالموازينـي
نرجي ثوابه وعفوه مالنـا الا بـه



..........

الرد على القصيده ,,



وكآتبهآ الشآعر : مسعود بن عايض الشلوي


يالله يالله ياللـي تقضـي الديـنِ
يامعطـي العافيـه والـرزق جلابـه

تشفي مريضٍ بيوتـه ولعـن فينـي
ناراً على القلب طول الوقت شبابـه

مع كبرسنه يعاني من عمى العينـي
مستسلمن للمرض ومنـوخ اركابـه

العافيه مـا يراهـا الا المريضينـي
اللي تزايد عمـاه وكثـرت اسبابـه

لها وسامٍ على روس الصحيحينـي
يشوفها اللي مرض تاجاً على اصحابه

وتـاج البصـر مايقـدر بالملايينـي
نعمه مـن الله وحكـم الله نرضى بـه

وصلوا على اللي للامه بين الدّين
عداد من حـج بيـت الله وصلى بـه



تحياتي وتقديري للجميع

حوار شعرى جميل

سلمت يدك

شكرا على مرور

كلماتها جميلة

ردك الاجمل شكرا على مرورك يااختى