بودعكم لأن ماعاد فيني حيل
تعبت أصبر وأمثل وأتقن التمثيل
واذا مالي بخت فب دنيتي هذي
عساي يوم القيامه ماأذوق الويل
ترى الدنيا ياابن آدم ولا تسوى
يحب ابن آدم الثروه وقال وقيل
واذا تقوى ياابن آدم على الدنيا
انا ذقت العنا دنيا تهد الحيل
تضيق الدنيا في عيني وانا طفله
بسبة من رحل من دون أي تعليل
ركضت أودعه وأنشد:متى يرجع؟
رفض حتى يوادعني بآخر ليل
نشدته 00إنتظر لحظه بسولف معك
ترى بالمدرسه أعطوني شهاده وكرموني حيل
وقالوا لي ولي أمرك يجي بكره
عشان نكرمه ونقول نعم التربيه والجيل
صدمني في سكوته ماهي بالعاده
توقعته يقوم يلمني بحضنه مع التقبيل
مسح بيده على وجهي وهو يناظر
ونظراته تقول:"المعذره ماعاد فيني حيل"
فهمت انه يبي يرحل ويتركني
طلبت أودعه بس مانطرني الليل
تركني وارتحل عني وخلاني
وانا أردديبا بغيبك ذقت الويل)
رحل يوم الربوع الي به التكريم
وانا ودموع عيني سيلت لي سيل
عسى ربي يعوضني عن أوجاعي
بجنات ورياض وعينن سلسبيل
وعسى قبرن يضمه ينقلب جنه
وعسى المزنه على تسيل من عليه السيل
أحس مالي بهالدنيا ولا مطرح
عقب عينه غدا حملي علي ثقيل
بودكم لأني إشتقت له بالحيل
عساها للفنا دنيا تهد الحيل
------------
قصيدة قرأتها وأعجبتنى فنقلتها لتشاركونى قراءتها
| موضوع رقم… 1151 -*- مساهمة رقم… 2344 |
|
المنتديات العامة والحوار والفكر والأدب
منتدى صدق المشاعر وأبداع القلم وهمس القوافي
12
2010-11-14, 00:32
1
13
9
